Aktivitetane i sommar vert som i fjor; markdagar. Det var for det meste godt frammøte på desse dagane, der lokalkjente folk tok deltakarane med på ein sommarkveldstur på 3-4 timar. Vi håpar dette kan bli ein tradisjon der fleire, og eit breiare lag av folket kan få styrka lokalkunnskapen sin. Vi har nå planane klare for juli og august:

Sundag 13. juli vil vi ha ein markdag til Eldåa med oppsett buss og matservering, alt gratis. Bussen vil gå frå Skysstasjonen på Vinstra kl. 10.00 og via Kommunelokalet på Sør-Fron kl. 10.20. Deretter vil vi køyra til Eldåa med lokal guide for å læra meir om setrene og seterstulane på Østkjølen. Framme i Eldåa vil bl.a. Joahn Dalseg guida oss til "Tombak" for å sjå dyregraver. I Eldåa får vi elles eit rømmegrautmåltid og kaffe severt av Mari Dalseg. Påmelding til 95221550 eller 99034406 innan torsdag 10/7. Andre medhjelparar blir Geir Haverstad og Knut Kjorstad. Velkome og hugs påmelding!!!

I august vil vi ha 2 minimarkdagar, den eine til Skurdal og den andre til Kvam.

Meir informasjon kjem da detaljane føreligg.